{{ آلســلآمــ عليكمـ ورحمــة الله وبركـــآتــه }}
خوآآتي كيفكم ...؟
اظـن ان هذه ثاني او ثالث مشاركة لي في ركـن العناية بالبشرة والجسم.
وبعد استضافتي في موضوع { ملكات الجمال .. واسرار ملكة } الي كثير اسعدتني
الدعوة من المشرفات الله يعطيهم العافيه بجد جهد جميل ومفيد ..
طيب .. اذكر ان مشرفتنا sherrykitty سئلتني عن طريقتي بالحمام المغربي
وشرحت لها بس جا في بالي اطرحها في موضوع منفرد واضيف لكم
نوعين من السكربز الي حبيتهم وانصح بتجربتهم ...
{ بسم الله .. ابد الموضوع معكم ..}}
{{ موضوعي حصري وخاص جدا لمنتدى عروس ولركن العناية وانا اتببع مواضيعي بشكل دوري وفرجاء الي تقوم تنقل موضوعي على الجاهز اتقي ربك ...تسرقي شي مو من جهدك }}
وقبل لا ابدا {{ طريقتي للناس الي تقوم بعمل حمام المغربي بطريقة ممكن نشوفها في المنتديات والي قريت منها وهي تجربتي بعد استشارة من اهل المغرب فالناس الي طريقتها بنفس الي بذكرها ما يحتاج التعليقات حلو تحطي معلومات نستفيد منها ..}
}} ؛؛؛؛
{ القصـــة}
تجربتي الاولي كانت للاسف قاسية مع الحمام المغربي الي تحسس جسمي منها وجربتها في صالون المفروض صاحبته والي هي خبيرة تجميل ما تنصحني هالنصيحة اني اسوي الحمام وبعده الحلاوة ..
ووثقت بكلامهم ولا رجعت لحد قلت خلاص نصحوني وانا اثق بكلامهم رغم ان البنت الي سوت لي فنانة وحبيت طريقتها في الحمام والقفازات مرة من النوع الاصلي .. الي ما حصلته للاسف ..
طلعت .. بعدها واحس ان النظافه تغني معي الق لق ..بس خاطري كنت انام قالت يلا حلاوة طبعا غلط ... في غلط لان البشرة تكون جدا حساسة والمسامات مفتوحة
ولازم الحمام المغربي يكون قبلها بكم يوم عشان الشعر تحت الجلد يطلع .. واكتشفت ان اغلب الصالونات تسوي هالشي اخر مرة رحت اجرب صالون بعد الحلاوة قالت شو رايك بحمام مغربي الحين قلت لها لا بشرتي حساسة وبتحسس .. :057:
طبعا بعد الحلاوة الله لا رواكم كيف بشرتي احمرت وكاني مضروبة ضرب فعلا عانيت وحرمت اروح من الخوف انه يتكرر ...
لغاية ما اختي نصحتني اني اسويه بالبيت والطريقة الي منتشرة في المنتديات تتدوشي يماي دافي وبعدها توزعي الصابون وبعدها دعك بقفاز الحمام المغربي...
شو الي صار ...}}
جربت الطريقة الي اقراها بالمنتديات ...
وما لاحظت اي من النتايج الي اشوفها في الي سويته في الصالون ما اشوف اوساخ ولا شي.. صح احس ان بشرتي كانها ناعمة بس في شي غلط !!
في صاحبة لي طلبت مني صابون مغربي واتذكر اني كنت شارية علبة من بنت تاجرة واهديتها اياها وجاتني حالة اني ادور على نفس قفازات الحمام الي استعملته في الصالون غير الي نحصلهم ..
طلبت من مغربية توفر لي القفاز .. ورحت اجيبه وقلت لها كيف الطريقة الصحيحة { القفازات طلعو نفس الي نحصلهم في السوبر ماركاتات }
وعطتني الطريقة الي فعلا كانت طريقتي انا وخواتي خطا !!!
ملاحظة { الصور لعبت عليهم بالفوتشوب فيمكن بتلاحظو الاختلافات ..}
ادواتي المتوفرة عندي
<< انا استعمل الصابون المتوفر في كارفور واللولو ومحلات التجميل ويحتوي على زيت الزيتون
هالنوعيه
ويحتوي على زيت الزيتون اغلبيتكم تعرفوه
في نوعيه تكون طرية احسها احلى من هالنوع .. اسهل بالتوزيع ..
{ حصلت هالنوع بمعرض استهلاكي }
شكل الصابون .. مبين عليه مو طري كثير ..<< احب الطرواة:095:
آحلـــى شي حجمه .. اقتصادي ويكفي فترة طويلة
انا احب اسويها بطريقة معينة .. عندي معلقه خشب + طاسة ( اناء ) من دايسو اخذته
كذا شكله
اخذ الكمية الي تكفيني لكامل جسمي { العينة الي بالصورة للشرح }
الخطوة الاساسية وهذه اعتمدتها قبل لما طريقتي خطا يا اضيف ماي دافي او ماي ورد
الماي الدافي احسه يطري واحط كمية لاني احب اوزعه وهي خفيف ويكون سهل التوزيع
اتوقع الاغلبية طريقتكم هيك
ماي ورد...
حطيت الصابون المغربي ...
حطيت ماي الورد عليه ..
وبعدها اخلط بينهم .. عشان يطري شوي عندي في انواع تكون طرية وما احتاج اسوي
هالطريقة .. { الصور ما كانها متشابهة .....}>> طنشوا
نجي الحين لانواع القفاز الي افضلهم اشتري من كارفور وواحد اعطتني اياه اختي .. النوع الاصغر اخشن وهو الي حسيته فادني اكثر يعني ما خشن لدرجة انه يجرح لا بس ملمسه احلى للدعك { الخفيف ما القوي }
القفازين ..
هذا الي اعطتني اياه اختي ملمسه ما كثير فيه خشونة بقماشه وحجمه كبير احس صعب اني
اتكيف معه .. بس معي حلو للمساج يعني اذا حبيت مرة استعمله قبل الشور ترا حلو ..
هذا الافضل عندي احسه مرة حلو للحمام المغربي وما يعني اني ادعك بقوة لا الدعك فيه حلو واحس ان اول ما عملت الطريقة شفت فعلا الوسخ ..{ لكل وحده وحريتها بالقفاز الي يناسبها مو ضروري تعتمد على كلامي ...}}
وطبعا القفازات انواع وسمعت ان اسعارهم تكون مختلفه واسعارها غير الي نشتريهم ونحصلهم باسعار رخيصة هنا لما جربته بالصالون القفاز الي تستعمله الحرمة قالت لي نطلبه طلب من المغرب وسعره غالي ...
اهم شي عندي هذا { نسيت شوي يسموه } احبه يكون ماسك وما يتحرك لان حجمه كبير الا قفلته او شو اسمه حلوة وتمسك على اليد
والثاني .. بعد حبيت مسكته ما ينزلحق ملاحظة خذوها بالاعتبار {{ البنت الي اشتريت منها القفاز قالت لي ان القفاز يخرب اذا لامس الماي المفروض ما يلامس الماي ابدا وتبداي بالدعك بعد ما تشيلي الصابون .. من جسمك }}
وكلامها فعلا صح ..
الطريقة برقمها وعسى تستفيدوا مثلي :
1- اتاكد ان في ماي دافي ف الحمام الله يعزكم .{ ايام الصيف طبعا عارفين الجو مساعد مرة }
2- اجهز العدة الخاصة الصابون المغربي + اذا حبيت ماي ورد +القفازات + واحط اناء بلاستيك اذا عندي واحد اضافي بحتاجه .
3- اعمل خلطتي الصابونية الي ذكرتها فوق ممكن احط ماي دافي واتاكد ان الصابون طرى وكمية كافيه تمام واذا زادت خير وبركة بالعكس حلو ..
4- اشغل الماي الدافي حتى لو مال للسخونة يكون احسن بس انا احطه بسطل بلاستيك كبير ويكون الماي تمام واتاكد انه بيساعد ان المسامات بتفتح وهنا اقوم ادوش بالماي واوزعه على كامل الجسم واحس ان خلاص المسامات تفتحت ,,
5- اوزع الصابون على كامل جسمي وانتظر 10 دقايق { كل وحده تقدر تستغلهم بطريقتها انا اعمل سكرب لوجهي او ماسك ..}
6- وبعدها اجهز نفس الخطوة الي برقم { 4} واعمل خطوة معينة واجيب اناء واحط فيه ماي دافي واحط القفاز مده دقيقتين هي المده الي اغسل نفسي من الصابون ...
7- هنا اجيب القفاز بعدا ما غسلت جسمي تمام وابدا بالدعك الخفيف الغير مبرح بطريقة دائرية او عمودية نفعت معي الطريقتين وفعلا شفت ان الطريقة صحيحة ..
8- بعدا ما اخصل ممكن ادهن بزيت خفيف غير معطر انا جسمي نوعيته حساسة وممكن اي كريم او لوشن يحسس جسمي الزيت هو الامثل او انشف جسمي وبس ..
هذه الطريقة .. كلها .. اتفقنا .. تابعوني بالرد الثاني للسكربات